![](/Frontend/img/logo/app_logo.png)
![](/Frontend/img/logo/app_logo.png)
![](/Frontend/img/logo/app_logo1.jpg)
អ្នកសេដ្ឋកិច្ចមានសុទិដ្ឋិនិយមថា ការធ្វើពាណិជ្ជកម្មទ្វេភាគីរវាងកម្ពុជា-អេមីរ៉ាតអារ៉ាប់រួម នឹងកាន់តែមានកំណើនខ្ពស់ បន្ទាប់ពីការប្តេជ្ញានៃប្រទេសទាំង ២ ដើម្បីពង្រឹង និងពង្រីកការធ្វើពាណិជ្ជកម្ម ស្របពេលដែលការអនុវត្តកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយរវាងប្រទេសទាំង ២ (Cambodia-UAE CEPA) ដែលនឹងចូលជាធរមាននៅពេលឆាប់ៗ។
រដ្ឋមន្ត្រីក្រសួងពាណិជ្ជកម្មកម្ពុជា លោកស្រី ចម និម្មល និងរដ្ឋមន្ត្រីពាណិជ្ជកម្មអន្តរជាតិរបស់ប្រទេសអេមីរ៉ាតអារ៉ាប់រួម (UAE) លោក Thani bin Ahmed Al Zeyoudi កាលពីថ្ងៃទី ២៩ ខែវិចិ្ឆកា ឆ្នាំ ២០២៣ នៅរដ្ឋធានីអាប៊ុយដាប៊ី (ប្រទេសអេមីរ៉ាតអារ៉ាប់រួម) បានជួបពិភាក្សាពីការពង្រឹង និងពង្រីកការធ្វើពាណិជ្ជកម្មទ្វេភាគី រួមទាំងលទ្ធភាពនៃការទាញយកប្រយោជន៍ពីការអនុវត្តកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយរវាងប្រទេសទាំង ២ (Cambodia-UAE CEPA )ដែលគ្រោងនឹងចូលជាធរមាននាពេលខាងមុខ។
ដំណើរទស្សនកិច្ចរបស់រដ្ឋមន្ត្រីក្រសួងពាណិជ្ជកម្មកម្ពុជា ធ្វើឡើងស្របពេលកម្ពុជា និងអេមីរ៉ាតអារ៉ាប់រួម ត្រៀមអនុវត្ត Cambodia-UAE CEPA នាពេលខាងមុខ បន្ទាប់ពីកិច្ចព្រមព្រៀងនេះបានចុះហត្ថលេខាជាផ្លូវការ កាលពីថ្ងៃទី ៨ ខែមិថុនា ឆ្នាំ ២០២៣។